Paraataman alimbubuyog

An paraataman alimbubuyog iyo idtong persona na nag'aataman nin mga alimbubuyog, idtong mga specie, na may pakinabang sa tawo. An inaataman nindang specie nin mga alimbubuyog idtong nagtatao nin tangguli, pollen, taro asin iba pang produktong nanginginabang an tawo. An mga alimbubuyog na ini na nakukua asin nagbubuhay igdi sa Filipinas iyo idtong lukot, ligwan, potyokan, asin iba pa, alagad dakul pang mga specie na inaataman man kan mga ibang paraataman sa iba-ibang nasyon. An ibang paraataman naataman kan layas na alimbubuyog na taboan sa palibot kan kudal bilang proteksyon asin pagdisganar sa mga para'bon huli ta an taboan mararang makasugod asin grabeng kulog an minamate kan natudok kaini.^[1][2]

An alimbubuyog kadaklan nakakagibo nin tangguli, pollen, propolis, taro asin royal jelly mantang an ibang paraataman nagpapadakul nin mga "reyna" (paraaki) asin mga alimbubuyog mismo ta ipabakal an mga ini sa ibang paraoma o huli lamang nag'aalag kaini ta linga-lingaan. An iba nag'aataman ngane makataong polinasisayon sa pagpapabunga sa mga tinanom asin mga gulayon asin sa serbisyo ninda, sinda binabayaran. An iba talagang napadakul nin ataman para sa komersyal na produksyon.^[3]

1. ↑ http://www.motherearthnews.com/homesteading-and-livestock/how-to-raise-honeybees-zmaz85zsie.aspx Kinua 24-6-16
2. ↑ http://www.hiveandhoneyapiary.com/Honey-Bee-Farming.html Archived 2016-07-06 at the Wayback Machine. Kinua 24-6-16
3. ↑ http://sfp.ucdavis.edu/pubs/SFNews/archives/94032/ Kinua 24-6-16